Катонқарағай ауданындағы Мұзтау шыңының етегіне көтерілген туристер өз беттерімен қайта түсе алмай қалған. Бұл туралы құтқарушыларға хабар түсті. Туристердің орналасқан жерлері геолокация арқылы анықталып, байланыс үздіксіз жүргізіліп отырды.
ШҚО Төтенше жағдайлар департаменті мен Катонқарағай ұлттық паркінің қызметкерлерінен құралған бірлескен топ қиын таулы жағдайда көмекке ұмтылды.
— Туристер теңіз деңгейінен шамамен 2000 метр биіктіктегі Көккөл тау көлінің маңынан табылып, Язево өзенінде орналасқан лагерьге дейін жеткізілді. Осылайша, құтқарушылардың кәсіби әрі үйлесімді жұмысының арқасында Чехия Республикасының 3 азаматын құтқару операциясы сәтті аяқталды, — деп хабарлады департаменттің баспасөз қызметінен.