ШҚО-да фитосанитарлық өңдеулер шекірткенің қаптауына жол бермеді
Шығыс Қазақстан облысында ауыл шаруашылығы зиянкестеріне қарсы күрес белсенді түрде жалғасып жатыр. Биыл аймақта шекірткенің топ-тобымен және жеке түрлері – соның ішінде итальяндық прус пен азиялық түрлері анықталды.
— Мониторинг пен химиялық өңдеу жұмыстары жүйелі түрде жүргізіліп келеді. Кең аумақтар зерттеліп, қажет болған жағдайда қорғаныс құралдары қолданылады. Топ-тобымен таралған шегірткелерге қарсы шараларды Ауыл шаруашылығы министрлігі республикалық бюджет есебінен ұйымдастырады. Ал жеке түрлеріне қарсы күресті жергілікті атқарушы органдар облыстық қаржы есебінен жүзеге асырады, — деді ШҚО Ауыл шаруашылығы басқармасының басшысы Ажар Қажыбекова.
2025 жылы ең белсенді ошақтар Зайсан, Күршім, Тарбағатай және Самар аудандарында тіркелген. Бұл аудандарда арнайы техникамен, оның ішінде авиация арқылы өңдеу жұмыстары жүргізілді. Жұмысқа аграрлық салада тәжірибесі бар мердігер ұйымдар тартылған. Сонымен қатар басқа да зиянкестерге қарсы күрес қатар жүргізілуде.
