Өскемен қаласының әкімі Алмат Ақышов Ертіс жағалауындағы көпір асты кеңістігін абаттандыру жұмыстарының барысымен танысты.
— Қазіргі уақытта заманауи әрі жайлы демалыс аймағын құру жұмыстары қарқынды жүргізілуде. Жобаны 1 тамызға дейін аяқтау жоспарланған. Қала тұрғындарына жайлы, қауіпсіз әрі қолайлы қоғамдық кеңістіктер құру – басты мақсатымыз, — деді ол.
Айта кетейік, қаладағы кептелісті азайту мақсатында дәл қазір Пермитин көшесінен Славский жағалауына қарай өтетін Ертіс көпірі астында жол құрылысы жүргізіліп жатыр.