Мемлекеттік басқаруды цифрландыру — қазіргі мемлекеттік саясаттың негізгі басымдықтарының бірі. Технологиялар қарқынды дамып жатқан қазіргі заманда жасанды интеллекттің (ЖИ) және заманауи цифрлық шешімдердің мемлекеттік органдардың тиімді әрі ашық жұмыс істеуіндегі рөлін түсіну ерекше маңызға ие болып отыр.
Осы өзекті тақырыпқа арналған мастер-класс 2025 жылғы 4 шілдеде Oskemen Hub базасында өтті. Шараға Қазақстан Республикасы Президенті жанындағы Мемлекеттік басқару академиясының Шығыс Қазақстан облысы бойынша филиалы ұйымдастырған арнайы қайта даярлау курсы аясында оқып жатқан мемлекеттік қызметшілер қатысты.
Іс-шараның негізгі мақсаты — мемлекеттік қызметшілерді басқару тәжірибесінде жасанды интеллект пен зияткерлік жүйелерді қолдану мүмкіндіктерімен таныстыру, олардың цифрлық сауаттылығын арттыру және аймақтарда инновацияларды енгізуге деген ынтасын көтеру.
Спикерлер ретінде сөз алғандар:
- Руслан Четтыкбаев, Д. Серікбаев атындағы Шығыс Қазақстан техникалық университетінің құзыреттер және технология трансфері орталығының басшысы. Ол университеттің ғылыми әзірлемелерінің мемлекеттік басқару саласындағы нақты мәселелерді шешуге қалай көмектесетіні туралы айтып берді — азаматтар өтініштерін интеллектуалды түрде талдау жүйесінен бастап, мониторинг пен болжауға арналған құралдарға дейін.
- Дидар Мұратұлы, Oskemen Hub жетекшісі, өңірдегі GovTech саласындағы жобаларға шолу жасады. Бұл жобалар мемлекеттік қызметтердің тиімділігін арттыруға бағытталған және олардың кейбірі жас IT-мамандардың қатысуымен әзірленген.
