Құрлық әскерлері қолбасшылығының мәліметіне сүйенсек, жол-көлік оқиғасы 28 маусым күні болған.
— Аягөз гарнизоны әскери бөлімдерінің біріндегі мерзімді әскери қызметші мен ата-анасы жол апатынан қаза болды. Марқұмдардың туған-туыстары мен жақындарына қайғыларына ортақтасып көңіл айтамыз, — делінген ақпаратта.
Аталған факті бойынша құзырлы органдар тергеу амалдарын жүргізіп жатыр.
— Құрлық әскерлерінің қолбасшылығы марқұмдардың жақындарына жан-жақты көмек көрсетеді. Соның ішінде әскери ұшақпен қаза болғандардың мәйіттерін тұрғылықты жеріне жеткізуді ұйымдастырады, — делінген хабарламада.
Осы ретте, Абай облыстық Полиция департаменті жол апатына қатысты қосымша ақпарат берді.
— Toyota Lumiere көлігінің 62 жастағы жүргізушісі қарсы бағыттағы жолаққа шығып кетіп, Toyota Land Cruiser көлігімен соқтығысқан. Соның салдарынан Toyota Lumiere көлігінің жүргізушісі мен үш жолаушысы оқиға орнында мерт болды. Қазіргі уақытта сот-медициналық сараптамалар тағайындалды, — делінген мәліметте.