ШҚО Полиция департаменті баспасөз қызметінің мәліметіне сүйенсек, облыс орталығының тұрғыны танымал мессенджерлердің бірінде алаяқтың құрбаны болған. Белгісіз біреу оның телефонына келген кодты айтқызып, атына жалпы сомасы 800 мың теңгеден астам 7 несие рәсімдеген.
— Жедел-іздестіру шараларының нәтижесінде күдікті ұсталды. Аталған факті бойынша қылмыстық іс қозғалып, тергеу амалдары жүргізілуде, — делінген ақпаратта.
Осы ретте, Полиция департаменті азаматтарды бірреттік кодтарды, құпия сөздер мен жеке деректерді бөгде адамдарға айтудың қауіпті екенін ескертеді.