«Казгидромет» РМК ШҚО филиалының мәліметіне сүйенсек, 10 сәуірде түнде облыстың шығысында жауын-шашын күтіледі.
— Түнде және таңертең өңірдің солтүстігінде, шығысында, оңтүстігінде тұман болады. Жел солтүстік-батыстан, солтүстіктен соғады, күндіз облыстың оңтүстігінде, орталығында жел жылдамдығы секундына 15-20 метрге дейін жетеді. Өскемен қаласында таңертең тұман түседі, — делінген ақпаратта.
Мұндай ауа райы жағдайларында автокөлік жүргізушілері мұқият болуы керек. Жылдамдықты рұқсат етілген шектен асырмаңыздар.
Қатты жел соққан кезде үй қабырғаларында, аялдамаларда, жарнама тақтайшалардың жанында, ағаштардың астында тығылмаңыз. Үзілген сымдарға жақындамаңыз.