Орманда қар әлі қалың жатыр. Сол үшін жануарларға өз бетінше қоректену қиын. Осыған орай елік, бұлан және басқа да тұяқтылар жиі мекен ететін жерлерге орманшылар жем салатын орындарды дайындайды. Сол орындарды тұрақты түрде шөппен, астықпен толтырып отырады.
— Жазда жем дайындап, жан-жануарлар көп жиналатын жерлерге қоямыз. Әрбір орман шаруашылығында осындай 8-12 орын бар, — дейді орман шаруашылығының қызметкері Мұрат Раисов.
Жануарларды азықтандыруға шаруашылық қызметкерлері үнемі шығып, шөп, жем мен тұзды жеткізіп отырады. Соңғы жылдары облыста елік пен бұлан саны тұрақтанып қалды. Оған осындай шаралар оң әсерін тигізуде.
Айта кетейік, орман шаруашылығы қызметкерлері көктемнің ортасына дейін жануарларды қоректендіруді жалғастырады.