Осындай талап арыз берген тұрғындар тұздың қоршаған ортаға зиянын тигізіп, жазатайым оқиғаларды көбейтетінін алға тартты. Алайда сот бұған келіспеді.
— Арыз берушілер жолға 23% техникалық тұз және 77% судан тұратын ерітіндінің себілетінін, қар еріген кезде реагенттер Ертіске құйылып, өзенді ластайтынын жеткізді. Сондай-ақ олар бұл қоспа жолдарды тайғақ етіп, көліктердің жүруін қиындататынын мәлімдеді. Ал «Таза Өскемен» кәсіпорнының өкілдері сот барысында қоспаның қоршаған ортаға және халықтың денсаулығына зиян келтіргені туралы ешқандай дәлел жоқтығын айтты. Сот тараптардың уәждерін тыңдай келе, су-тұз ерітіндісіне тыйым салуға негіздердің жеткіліксіздігі туралы қорытындыға келді, — делінген ақпаратта.
Үкім әлі заңды күшіне енген жоқ. Сондықтан тараптардың бұл шешімге апелляциялық шағым түсіруге қақы бар.
