Алдағы апта аймақ тұрғындарын көктемгі жылы ауа райымен қуантпақ. Қазақстанның кей жерлерінде қар аралас жауын-шашын болып, ал кей аймақта күндізгі уақытта сынап бағанасы жоғарылап, күн жылынады.
Сонымен қатар республика бойынша көктайғақ, желдің күшеюі және тұман күтілуде.
— Температура тұрақталып, күрт өзгерістер болмайды. Аптаның басында шығыста минус температура сақталғанымен, аптаның ортасына қарай сынап бағаны көтеріледі деп күтілуде. Апта басында шығыста жауын-шашын болмауы ықтимал, — деп хабарлады «Қазгидромет» РМК.
Өскеменде ауа райы ашық, жауын-шашынсыз болады. Аптаның басында күндіз ауа температурасы минус 3-5 градус болады, ал соңына қарай 0-2 градус жылы болады деп болжануда. Түнде температура кей жерлерде 17-19 градус аязға дейін төмендеуі мүмкін.