Облыстық полиция департаменті баспасөз қызметінің мәліметіне сүйенсек, 2026 жылдың он айының қорытындысы бойынша осындай деректер саны 146-дан 117-ге дейін азайған.
— Өңір бойынша отбасылық-тұрмыстық салада құқыққа қайшы әрекеттер жасаған 3 922 адам ӘҚБтК-нің 73-бабы бойынша әкімшілік жауапкершілікке тартылды. Учаскелік полиция инспекторлары жәбірленушілерді қорғау мақсатында 2 917 қорғау нұсқамасын шығарды. Сот шешімімен құқық бұзушылардың мінез-құлқына қатысты 722 ерекше талап белгіленді, — делінген ақпаратта.
Күнделікті рейдтермен қатар, облыста «Қауіпсіз үй», «Зорлық-зомбылықсыз Қазақстан», «Бізден сұраңыз, біз жаныңыздамыз» және «Сталкингке жол жоқ» атты әлеуметтік акциялар да өткізіліп келеді.
— Олардың мақсаты — қиын жағдайға тап болған адамдарға көмек бар екенін жеткізу және ешкімнің өз мәселесімен жалғыз қалмауына ықпал ету. Көмекке мұқтаж әр адам 111 және 150 сенім телефондарына хабарласа алады. Егер отбасылық зорлық-зомбылыққа тап болсаңыз немесе қолдауға мұқтаж болсаңыз, көмек сұраудан тартынбаңыз. Уақтылы жасалған қадам қайғылы жағдайдың алдын алуы мүмкін, — деп хабарлады ведомство өкілдері.

