Дубай қаласында UAE SWAT Challenge 2025 халықаралық жарысы өтіп жатыр. Онда әлемнің 100-ден астам елінен арнайы жасақ қызметкерлері қатысуда. Бұл туралы Polisia.kz сайты хабарлап отыр.
Қазақстандық «Сұңқар» бөлімшесінің жауынгерлері жарыстың бірінші және үшінші күндерінің қорытындысы бойынша сенімді түрде көш бастады.
«Офицерді құтқару» атты үшінші кезеңде ҚР ІІМ қызметкерлері көздеп атудан қара жаяу еместіктерін көрсетіп, дайындықтарын паш етті. Олар барлық сынақтарды 2 минут 11 секундта өтіп шықты.
Турнирдің бірінші күні «Сұңқар» командасы алтыннан алқа тақты. Үш күннің қорытындысы бойынша ІІМ арнайы жасақ бөлімшесінің жауынгерлері турнир кестесінде екінші орынды иеленді. Сондай-ақ үздік ондыққа Қазақстанның басқа да күштік құрылымдары – Ұлттық ұлан, «Sardar B», ҰҚК-нің екі командасы (Arystan Team және SSN Aktau») кірді. Айта кетейік, өткен жылы сұңқарлықтар ауызбіршілігімен көзге түскен. Қатысушылардың бірі аяғын сындырып алғанымен, команданың қолдауымен мәреге жетті.