ШҚО Дене шынықтыру және спорт басқармасы мен Ұлан ауданы әкімдігі бірлесіп, Бозанбай ауылында ұлттық спорт түрі — құсбегіліктен алғашқы чемпионат өткізді.
Жарысқа Зайсан, Күршім, Ұлан аудандары және Өскемен қаласынан барлығы 13 құсбегі қатысты. Чемпионат қорытындысы бойынша:
— 1 орын – Ынтымақ Шәлап (Зайсан ауданы)
— 2 орын Архат Хамитжанов (Өскемен қаласы)
— 3 орын Айзере Нажитбан (Ұлан ауданы) иеленді.
Жеңімпаз атанған Ынтымақ Шәлапқа шаруа қожалағының басшысы және ҚР Еңбек сіңірген жаттықтырушысы Жұмабек Жапишев тұлпар табыс етті.
Айта кетейік, ШҚО Экономикалық тергеу департаменті осындай іс-шаралардың серіктесі ғана емес, демеушісі бола отырып, жас спортшыларға үнемі қолдау көрсетіп келеді. Департамент басшысының орынбасары Жасұлан Дәукенов екі жас бүркітшіге 25 000 теңгенің сертификатын табыс етті.