«Қазгидромет» РМК мәліметіне сүйенсек, 25 қаңтарда облыстың солтүстігінде, шығысында тұман күтіледі. Жел шығыстан және оңтүстік-шығыстан соғады. Жел жылдамдығы күндіз облыстың оңтүстік-шығысында секундына — 15-20 метр.
Түнде облыстың солтүстігінде, шығысында 40 градусқа дейін аяз күтіледі. Осыған байланысты азаматтарға елді мекендерден тыс жерлерге барудан бас тартқан жөн.
— Сапарға шыққан болсаңыз жол қозғалысы ережелері мен жылдамдық режимін сақтаңыз. Ауа райы нашарлаған кезде елді мекендерге, жанармай құю станцияларына, жол бойындағы дәмханаларға жақын жерге тоқтауға тырысыңыз. Бұл туралы туыстарыңызға және жақындарыңызға хабарлауды ұмытпаңыз, — деп хабарлады ШҚО ТЖД.
Егер қандай да бір төтенше жағдай болса «112» нөміріне хабарласыңыз.
