Шығыс Қазақстан облысының полиция қызметкерлері ауа райының нашарлауына байланысты жолдағы бақылауды күшейтті.
Олар жол қозғалысы қауіпсіздігін жіті қадағалап, жүргізушілерге қалың қар жауып, көктайғақ болып тұрғанын және бораннан жолдың дұрыс көрінбейтіндігі туралы ескерту жасауда. Сондай-ақ көлік жүргізу кезінде барынша сақ болу қажеттігін еске салып жатыр.
— Тәртіп сақшылары жолдың тайғақтығы мен нашар көрінуі сияқты күрделі ауа райы жағдайында көлік жүргізушілеріне қауіпсіздік шараларын барынша жан-жақты түсіндіруде. Осындай кездерде мүмкіндігінше ұзақ сапарлардан бас тарту керектігі туралы да ескертуде. Қыс басталғалы бері полицейлер тасжолда қиын жағдайға тап болған 300-ден астам жүргізушіге көмек көрсетті, — деп хабарлады ШҚО Полиция департаментінен.