Белгілі болғандай, 21 желтоқсанда балақай футбол командасының құрамында Air Astana әуе компаниясының ұшағымен Астанадан Анталияға ұшып келген. Әуе кемесінің бортында бала төлқұжатын жоғалтып алып, бұл туралы өзімен бірге жүрген авиакомпания қызметкеріне айтқан. Алайда құжат сол күйі табылмады.
Құжатының жоқтығынан бала төлқұжат пен шекаралық бақылаудан өте алмай, депортация аймағында жалғыз қалып, екі күнін сонда өткізген. «Барс» футбол мектебінің басшысы Эльвира Батырбаеваның айтуынша, әуе компаниясының өкілдері баланы жалғыз қалдырып кеткен. Транзиттік аймаққа бейтаныс адамдардың кіруіне тыйым салынғандықтан, қабылдаушы тарап та оған бара алмады. Оның мүддесін ешкім қорғаған жоқ, тіпті ол анасына да не болып жатқанын түсіндіре алмады.
Тек екі күннен кейін балаға уақытша жол жүру құжаты жасалып, Қазақстанға қайтарылды. Қазір отбасының заңгері әуе компаниясының балаға неліктен көмек көрсетпегенін анықтап жатыр.