«Қазселденқорғау» ШҚ филиалының қызметкерлері мен облыстық ТЖД құтқарушылары «Горная Ульбинка-Северное» тасжолының учаскесінде профилактикалық мақсатта қар көшкінін түсірді.
— Соңғы күндері қар мол жауды. Сондықтан аталмыш учаскеде қар көшкіні жүру қаупі артты. Төтенше жағдайдың алдын алу үшін 3 рет жарылыс жасалып, нәтижесінде 2090 текше метр қар түсірілді, — деді “Қазселденқорғау» ШҚ филиалының басшысы Советбек Станбеков.
Қыс мезгілі басталғалы бері өңірде 14 рет тауда жарылыс жұмыстары жүргізіліп, 6650 шаршы метр қар түсірілген.
