Аймақ басшысы Ермек Көшербаев «Жайлы мектеп» ұлттық жобасы аясында ЖМК ықшам ауданында салынған жаңа білім ошағын техникалық қабылдауға қатысты. Мұнда ғимаратты пайдалануға беру үшін барлығы сақадай сай. Жаңа №40 мектеп 600 орынға арналған. Ондағы балалар мемлекеттік тілде оқиды.
Облыс әкімінің айтуынша, мектеп ұлттық жобаның бекітілген стандарттарына толығымен сәйкес келеді. Оқу процесін ыңғайлы ету үшін пәндік сыныптар заманға сай жасалып, қажетті құрал-жабдықтар алынған. Барлық қажетті рәсімдер аяқталғаннан кейін білім ордасы үшінші тоқсанда оқушыларға есігін айқара ашады.
Еске салсақ, жақында Шемонаиха ауданында тағы бір «Жайлы мектеп» пайдалануға берілген болатын.