Шығыс Қазақстан облысында сот төрелігіне кедергі жасамақ болған куәгер сол әрекеті үшін бес жылға бас бостандығынан шектелді.
Бұл жағдай ШҚО Көліктік бақылау инспекциясы басшылығына қатысты сыбайлас жемқорлық ісі бойынша сот процесі барысында болған. Көлік прокурорлары куәгерлердің бірінің жалған айғақ беру фактісін анықтады.
Бас көлік прокуратурасының мәліметіне сүйенсек, арнайы прокурорлардың тексеруі сот төрелігіне кедергі жасау әрекетін растады.
Сот айыпталушының кінәсін мойындап, өкінгенін ескерді. Сот шешімімен ол шартты түрде бес жылға бас бостандығынан айырылды.