Оның алғашқы қойылым – Иоганн Штраустың «Жарқанат» опереттасы болды. Премьераға тек шығысқазақстандықтар ғана емес, алыс-жақын шетелдерден де қонақтар келді. Көрерменді таңғалдырып, ыстық ықыласын алған осы қойылымнан соң Сыдық Мұхамеджановтың 100 жылдығына орай «Айсулу» операсыны сахналанды. Бұл Өскемендегі қазақ музыкалық театры тарихындағы алғашқы опера. Аталмыш туынды алғаш рет 1964 жылы Алматыдағы Абай атындағы Опера және балет театры сахнасында қойылған болатын. Арада 60 жыл өткен соң, Өскемен сахнасында қайта көрерменге жол тартты. Костюмдер, декорациялар ең алдымен әрине, актерлердің керемет ойыны нағыз фурор жасады.
Өскеменде музыкалық театрдың ашылғаны туралы хабар шекара асып, елден тыс жерлерге де жайылды. Қызығушылықтың зор болғаны сонша гастрольдер де басталды. Актерлер Астана балет театрындағы «Классикалық музыка кешіне» аттанды. Астана көрермендері «Шығыс әртістері ұмытылмас әсер сыйлады» деп өз ризашылықтарын білдірді.
Содан соң актерлер өскемендіктер мен қала қонақтарын «Mamma mia» мюзиклін ұсынды. Премьера жаз айында, туристік маусым кезінде көрсетіліп, халықтың жоғары бағасын алды.
Театр алдағы жылы да халықты жаңа премьерамен қуанта бермек. Сондықтан қапы қалмай, театр жаңалықтарынан хабардар болып отырғайсыз.