ШҚО Прокуратурасы баспасөз қызметінің мәліметіне сүйенсек, арнайы прокурорлар жүргізген тергеу барысында әйел адамның осы жылдың ақпан айында танысымен пәтерде өз еркімен жыныстық қатынасқа түскені анықталды. Алайда келесі күні ол құқық қорғау органдарына өзінің зорланғаны туралы жалған арыз жазған. Ссоның салдарынан жазықсыз адамға қатысты қылмыстық іс қозғалған.
«Сотқа дейінгі тергеу кезінде «жәбірленуші» өз кінәсін мойындады. Оған ҚР ҚК-нің 419-бабы 3-бөлігімен (ауыр қылмыс туралы көрінеу жалған хабарлау) айып тағылды. Өскемен қаласы №2 сотының үкімімен әйел адам кінәлі деп танылып, шартты түрде 4 жылға бас бостандығынан шектелді. Үкім әлі заңды күшіне енген жоқ», — делінген ақпаратта.