Шығыс Қазақстан облысы Марқакөл ауданында өрт сөндірушілер 8 тонна шөпке жайылған қызыл жалынды ауыздықтады.
ШҚО Төтенше жағдайлар департаменті баспасөз қызметінің мәліметіне сүйенсек, Марқакөл ауылындағы шаруа қожалықтарының бірінің аумағында шөп жанған.
— Өрт сөндірушілердің жедел әрекеттерінің арқасында өрттің ары қарай таралуына жол берілмеді. Тілсіз жау толығымен сөндірілді. Зардап шеккендер жоқ, — деп хабарлады ведомство өкілдері.
Осы ретте, ТЖД мамандары шөпті тұрғын үйлерден, шаруашылық құрылыстар мен жолдардан неғұрлым алыс жерлерде сақтау қажеттігін еске салды.
