Облыс Прокуратурасы баспасөз қызметінің мәліметіне сүйенсек, Самар аудандық сотында бұрын жүргізуші куәлігінен айырылса да мас күйде көлік айдаған Б. есімді азаматқа қатысты сот ісі қаралған. Алайда қылмыс құрамына қатысты жиналған дәлелдемелерге қарамастан сот айыпталушыны ақтап шығарған.
Аудан прокурорының апелляциялық шағымы бойынша Шығыс Қазақстан облыстық соты бірінші сатыдағы сот үкімінің күшін жойды.
«Облыстық соттың жаңа үкіміне сәйкес ер адам кінәлі деп танылып, 2 жылға бас бостандығын шектелді. Сондай-ақ ол өмір бойына көлік жүргізу құқығынан айырылды», — делінген ақпаратта.