Әлеуметтік желіде Шығыс Қазақстан облысының бірнеше ауданында 30-дан астам адамның бруцеллез дертіне шалдыққаны жайлы ақпарат тарап кетті. Онда әсіресе Алтай және Үлкен Нарын аудандарында ауырғандардың көптігі, инфекцияның өршуіне байланысты төтенше жағдай енгізіліп, сыртқа ет шығаруға тыйым салынатындығы туралы жазылған.
Алайда ШҚО Санитарлық-эпидемиологиялық бақылау департаменті бұл ақпараттың жалған екендігін мәлімдеді.
«Тарап жатқан бұл хабарлама шындыққа мүлде жанаспайды. Бүгінде Алтай ауданында адамдар арасында бруцеллезге шалдыққандар жоқ. Сондай-ақ медициналық мекемелерден шұғыл дерек түспеді», — делінген ведомство өкілдері таратқан хабарламада.
