Матанов онлайн Телеграм-арнасы кешегі басылымда сенімді түрде мәлімдеме жасады:
«Шығыс Қазақстан облысы Риддер қаласындағы жалғыз «Шаңырақ» қазақ мектебі апатты жағдайға байланысты жабылды. Өнеркәсіптік қаланың бюджетінде жаңа қазақ мектебінің құрылысына қаражат қарастырылмаған, — деп хабарлады әкімдік»
Тұжырымдамаға сәйкес, оқырманның қабылдауында мектептің жабылуы толықтай қызметін тоқтатуымен тең. Ал әкімдік сілтемесі хабарламаға ресми және толықтай сенімділік қосатын сияқты.
Бірақ бұл, әрине, жалған ақпарат. Блогер өзіне тән айлаға барып, ақпаратты бұрмалап, барлық фактілерді ашпай, резонанс тудырмақшы болды.
Біз хабарламаны толықтай тексердік. Риддер әкімдігі және қалалық білім бөлімі мұндай ақпараттың таратылмағанын мәлімдейді.
Облыстық білім беру басқармасының басшысы Инесса Чернышованың айтуынша, «Шаңырақ» мектебінің ғимаратына күрделі жөндеу қажет, мектеп ұжымы басқа ғимаратқа көшірілді.
Сонымен қатар, қазіргі уақытта «Шаңырақ» мектебіне арналған жаңа ғимараттың құрылысы жүріп жатыр, оны келесі жылы аяқтау жоспарлануда. Автордың әкімдікке сілтеме жасай отырып, ақпаратты қайдан алғаны беймәлім. Бар мақсаты даулы ақпарат таратып, өз беделін арттыруды көздеуі де мүмкін.
Автор өз постында нені көздеп, нені меңзейтіні байқалып тұр: Риддерде ұлттық мүдделер органдарының қолдауымен өткір мәселе бар екендігі туралы әсер қалтыру. Ақпараттың бар мақсаты осыдан-ақ анық…