Екі ер адам 22 қыркүйекте балық аулауға шығып, сол күйі қайта оралмаған. Іздеу жұмыстары сегіз күнге созылды. Оған қатты жел, судағы толқын және көл акваториясының ауқымды аумағы кедергі келтірді.
— Оқиға Күршім ауданының Балықшы ауылдық округінде болған. 1979 және 2001 жылы туған екі ер адам Зайсан көліне балық аулауға шыққан. Іздеу жұмыстарының алғашқы күнінде жағадан 3-4 шақырым қашықтықтан суға батқан қайық табылды. 29 қыркүйекте жергілікті тұрғындар 2001 жылы туған ер адамның денесін тапты. Ал келесі күні құтқарушылар 1979 жылы туған екінші ер адамның денесін судан алып шықты, — деп хабарлады ШҚО ТЖД.
Іздеу жұмыстарына Төтенше жағдайлар министрлігінің күштері мен құралдары, жеке қайықтары бар жергілікті тұрғындар тартылды. Құтқарушылар 63 рет сүңгу жұмыстарын жүргізіп, көлдің жағалауы мен акваториясын тексерді. Іздеу барысында ұшқышсыз ұшу аппараттары да пайдаланылды.