Өскеменде өрт сөндірушілер түтін басқан қауіпті аймақтан 15 адамды, оның ішінде екі баланы эвакуациялады. Өрт Жастар көшесіндегі 10 қабатты тұрғын үйде шыққан.
Екінші қабаттағы пәтерде жиһаз бен жеке заттар жанған. Оқиға орнына жеткен өрт сөндірушілер адамдарды жедел эвакуациялап, 4 шаршы метр аумақтағы өртті сөндірді.
Өрттің шығу себебі анықталып жатыр.
Төтенше жағдайлар министрлігі түтін иісі сезілгенде немесе өрттің алғашқы белгілері байқалғанда дереу 112 нөміріне қоңырау шалу қажет екенін еске салады. Құтқарушылар өрт қауіпсіздігі ережелерін сақтауға шақырады.