Өрт Марқакөл орман шаруашылығы аумағында болған. Бұл туралы Шығыс Қазақстан облыстық Төтенше жағдайлар департаментінен мәлім етті.
— 6 қыркүйекте «Марқакөл орман шаруашылығы» КММ аумағындағы жетуі қиын жерде құрғақ шөп пен бұта өртенген. Қызыл жалынды сөндіруге орман күзеті мен Төтенше жағдайлар министрлігінің бөлімшелері жұмылдырылды, — деп хабарлады ведомство өкілдері.
Барлығы 80-нен астам адам, 10 техника және «Қазавиақұтқару» қызметінің екі тікұшағы тартылған.