ШҚО Полиция департаменті баспасөз қызметінің мәліметіне сүйенсек, тәртіп сақшылары «Қарасора-2026» республикалық жедел-алдын алу шарасы аясында екі ер адам ұстады.
— 18 және 19 жастағы екі тұрғын алдын ала сөз байласып, есірткі заттарын өткізу мақсатында заңсыз сақтады деген күдікке ілінді. Күдіктілерді жеке тінту кезінде тыйым салынған заттар салынған 91 орама тәркіленді, — делінген ақпаратта.
Сараптама қорытындысына сәйкес, тәркіленген заттардың құрамынан жалпы салмағы 25,29 грамм мефедрон, 27,21 грамм α-PVP психотроптық заттары және жалпы салмағы 6,24 грамм каннабис шайыры анықталды.
— Тәркіленген заттардың жалпы көлемі заңнамаға сәйкес аса ірі мөлшер болып саналады. Аталған факт бойынша сотқа дейінгі тергеу жалғасуда. Күдіктілердің бірі қолхатпен босатылды, екіншісі уақытша ұстау изоляторына қамалды, — делінген хабарламада.