Білім беру гранттарын тағайындау конкурсына қатысу үшін 127 мыңға жуық талапкер өтініш берді. Бұл былтырғыдан 14 мыңға көп. 2025 жылы комиссия 113 мың өтініш қабылдаған. Биыл бакалавриатта білім алуға 75 мыңнан астам грант бөлінді.
Гранттардың басым бөлігі, яғни 60%-ы инженерлік мамандықтарға бағытталды. Тағы 20%-ы педагогикалық бағыттарға қарастырылған. Қалған 20%-ы еңбек нарығының сұранысы ескеріле отырып, өзге салалар арасында бөлінді.
Талапкерлердің таңдауы бірнеше жылдан бері айтарлықтай өзгермей келеді. Ең көп өтініш «Инженерлік, өңдеу және құрылыс салалары», «Педагогикалық ғылымдар» және «Ақпараттық-коммуникациялық технологиялар» бағыттарына түсті. Бір грантқа ең жоғары конкурс болашақ аудармашылар, дипломаттар, заңгерлер, психологтер мен мұғалімдер арасында болады деп күтілуде.
Грант тағайындау туралы шешімді республикалық конкурстық комиссия қабылдайды. Оның құрамына мемлекеттік органдар мен қоғамдық ұйымдардың өкілдері, сондай-ақ қоғам қайраткерлері кіреді.
Білім беру гранты иегерлерінің тізімі 10 тамызға дейін жарияланады. Жоғары оқу орындарына қабылдау 25 тамызда аяқталады.