Облыс орталығындағы котловандар аумағында орналасқан қалалық жағажайды абаттандыру жұмыстары аяқталуға жақын.
Мұнда тас төсеу жұмыстары аяқталып, санитарлық-гигиеналық модуль, заманауи киім ауыстыратын кабиналар мен демалуға арналған тенттер орнатылды.
Қала әкімі Алмат Ақышов жағажайға барып, шомылу маусымында қауіпсіздіктің қалай қамтамасыз етіліп жатқанын және санитарлық талаптардың сақталуын тексерді.
– Қала тұрғындары мен қонақтарының қауіпсіздігін қамтамасыз ету – басты міндеттердің бірі. Құтқарушылардың жұмысы, кезекшілікті ұйымдастыру, аумақтың тазалығы мен санитарлық нормалардың сақталуы ерекше бақылауда. Мұнда алкогольдік ішімдіктерді ішуге тыйым салатын белгілер орнатылады. Мас күйдегі адамдар анықталған жағдайда полиция жасағы шақырылады. Жағажайда темекі шегуге де тыйым салынған. Ол үшін арнайы орын жабдықталған, – деді Өскемен қаласының әкімі Алмат Ақышов.
Сондай-ақ қала басшысы жағажайда ойын автоматтарының заңсыз орнатылу мәселесін реттеуді, ал коммуналдық қызметтерге демалыс аймағынан қоқысты уақытылы шығаруды тапсырды.