«Қазавиақұтқару» АҚ авиациясының ұшқыштары Сергей Пинигин, Леонид Калеканов, Айдар Мамырханов және санитариялық авиация дәрігерлері Рүстем Мұқажанов пен Антон Волков 1963 жылы туған науқасты шұғыл түрде тасымалдау мақсатында Өскемен – Шемонаиха – Өскемен бағыты бойынша санитариялық рейс орындады.
Ұшу барысында дәрігерлер науқастың жағдайын үздіксіз бақылауда ұстап, қажетті медициналық көмек көрсетті. Тікұшақ экипажы ұшу қауіпсіздігін толық қамтамасыз етті. Науқас облыс орталығына сәтті жеткізіліп, әрі қарай ем қабылдау үшін дәрігерлерге тапсырылды.
ТЖМ-нің «Қазавиақұтқару» тікұшақтары шалғай елді мекендерде тұратын тұрғындарға шұғыл медициналық көмек көрсету мақсатында санитариялық рейстерді тұрақты түрде орындап келеді.