Аптап ыстыққа байланысты облыс орталығындағы көшелерді суару жиілігі артты.
Енді коммуналдық қызмет мамандары аптап кезінде ауаны аздап салқындатуға көмектесетін жаңа тәсілді қолданып жүр. Арнайы техника суды ұсақ дисперсті ағын түрінде бүркеді. Бұл ауаны салқындатып, күннің ең ыстық уақытында жылу жүктемесін азайтуға мүмкіндік береді.
– Бұл жұмыстар қала аумағын күтіп ұстау және абаттандыру аясында негізгі магистральдар мен көшелерде жүргізіледі. Олар қала тұрғындары мен қонақтарына жайлы жағдай жасауға көмектеседі, – деп хабарлады Өскемен қаласының тұрғын үй-коммуналдық шаруашылық бөлімі.
Еске салайық, синоптиктердің болжамынша, облыс орталығында аптап ыстық сақталады. Күндіз ауа температурасы 35–38 градусқа дейін көтеріледі.