Туристер көп баратын бағыттағы аумақты абаттандыру жұмыстары жол төсемін төсеу толық аяқталғаннан кейін, қыркүйек айының соңында басталады.
Шығыс Қазақстан облыстық «ҚазАвтоЖол» ұлттық компаниясы филиалының баспасөз қызметінің мәліметінше, тасжолдың 441 және 444-шақырымдарында автотұрақтар, фотоаймақтар мен көрініс алаңдары бар демалыс орындары салынады. Сонымен қатар олардың бірінде жылы санитарлық модуль орнатылмақ.
Айта кетейік, Өскемен-Алтай-Үлкен Нарын-Катонқарағай-Рахман қайнарлары бағытындағы республикалық маңызы бар тасжолда бүгінгі күнге дейін 110 шақырымға жаңа асфальт-бетон жабыны төселді. Қазіргі таңда жолдың қалған 55 шақырымын жаңарту жұмыстары жалғасып жатыр.