Өскемен қаласының тұрғындары цифрлық дағдыларды дамытуға және еңбек нарығындағы бәсекеге қабілеттілікті арттыруге бағытталған ITeachMe 8.0 білім беру жобасының сегізінші маусымына қатысуға шақырылады.
Жоба «ITeachMe» құзыреттерді дамыту орталығы қоғамдық қоры тарапынан «Шеврон Евразия» компаниясының қолдауымен жүзеге асырылуда.
Оқыту онлайн форматта келесі екі бағыт бойынша өтеді:
* жасанды интеллектті пайдалана отырып CRM жүйелерімен жұмыс істеу;
* жасанды интеллектті қолдана отырып UI/UX Content бағыты.
Бағдарлама 4 айға есептелген. Оқу қорытындысы бойынша қатысушылар тәжірибелік дағдыларды меңгеріп, курстық жұмыстарын әзірлейді, сондай-ақ кәсіби дамуға, тағылымдамадан өтуге және жұмысқа орналасуға қолдау алу мүмкіндігіне ие болады.
Жоба аясында мүмкіндігі шектеулі азаматтарға, әлеуметтік осал топтардың өкілдеріне, жұмыссыз азаматтарға, жастарға және заманауи цифрлық дағдыларды меңгеруге ниетті барлық азаматтарға ерекше көңіл бөлінеді.
Биылғы маусымда 120 тегін орын қарастырылған.
Жобаның алдыңғы жеті маусымында 7000-нан астам өтінім қабылданып, 900-ден астам адам оқуды сәтті аяқтады. Олардың 90%-ы жұмысқа орналасты.
Өтінімдер 2026 жылғы 20 шілдеге дейін қабылданады.
Өтінім беру сілтемесі:
https://daurbekg.github.io/iteachme8/
Қосымша ақпарат:
+7 705 685 0264 (Назым)