«Шығыс Қазақстан облысының өңірлік мемлекеттік-жекешелік әріптестік орталығы» АҚ басқарма төрағасы лауазымына Нұржан Құрманғалиев тағайындалды. Ол бұған дейін облыс әкімінің кеңесшісі лауазымын атқарған.
Нұржан Қайратұлы 1985 жылы 4 мамырда Шығыс Қазақстан облысында дүниеге келген. 2007 жылы Семей педагогикалық мемлекеттік институтын «Дене шынықтыру және спорт» мамандығы бойынша, 2010 жылы Қазақ инновациялық гуманитарлық-заң университетін «Құқықтану» мамандығы бойынша бітірген.
2007-2010 жылдары «Бастион» жеке ұйымы» ЖШС-де қызмет атқарды. Мемлекеттік қызметтегі еңбек жолын 2010 жылы Өскемен қаласының дене шынықтыру және спорт бөлімінің бас маманы болып бастады.
2010-2011 жылдары ШҚО «Дене шынықтыру-сауықтыру кешені» КМҚК-де заңгер, 2011-2012 жылдары ШҚО «Дене шынықтыру-сауықтыру кешені» КМҚК директоры болған.
2013 жылдың сәуір-маусым айлары аралығында «Қосымша білім беру және дене шынықтыру мен спорт орталығы» КММ-де бас маман болып қызмет атқарды. 2013 жылдың шілде-тамыз айлары аралығында «Қайнар» колледжінде кадр бөлімінің басшысы болды.
2013 жылғы қазан айынан бастап әділет органдарында қызмет атқарды. 2016-2025 жылдары Шығыс Қазақстан облысы Әділет департаментінің Атқарушылық өндірісті қамтамасыз ету басқармасының басшысы болып жұмыс істеді.
2025 жылдың шілде айынан бастап осы уақытқа дейін Шығыс Қазақстан облысы әкімінің кеңесшісі қызметін атқарды.