Шығыс Қазақстан облысының Алтай ауданының прокуратурасы балалардың құқықтарының сақталуына жүргізілген талдау барысында алимент төлеуден қасақана жалтару дерегін анықтады.
Қадағалау органының мәліметінше, аудан тұрғыны 2019 жылдан бері кәмелетке толмаған балаларына алимент төлеу жөніндегі міндетін орындамай келген. Соның салдарынан алимент бойынша берешек көлемі 5 миллион теңгеден асқан.
— Прокуратура қабылдаған шаралардың нәтижесінде балалардың құқықтары қорғалып, алимент бойынша жиналған берешек толық көлемде өндірілді. Сонымен қатар борышкер Қазақстан Республикасы Әкімшілік құқық бұзушылық туралы Кодексінің 669-бабы бойынша сот актісін орындамағаны үшін әкімшілік жауапкершілікке тартылды, — делінген ақпаратта.
Прокуратура өкілдері кәмелетке толмаған балаларды асырау, тәрбиелеу және оқыту міндеті ата-аналарға жүктелгенін еске салып, азаматтарды өз міндеттемелерін уақтылы орындауға шақырды.