Облыс орталығында Ұлттық ұлан әскери қызметшілері түзету мекемесінің аумағына тыйым салынған заттарды жеткізу әрекетінің алдын алды.
Оқиға №16 мекемеде болған. Тыйым салынған аймақты патрульдеу кезінде 6699 әскери бөлімінің әскери қызметшісі мекеме қызметкерлерімен бірлесіп, қоршау арқылы тыйым салынған заттарды лақтырмақ болған ер адамды байқап қалған.
Тексеру барысында құқық бұзушының 41 жастағы Өскемен қаласының тұрғыны екені анықталды. Ол колония аумағына екі ұялы телефон өткізбек болған.
Тыйым салынған заттар тәркіленді. Аталған дерек бойынша материалдар процессуалдық шешім қабылдау үшін құзырлы органдарға жолданды.