Өскемен қаласында биыл самокат жүргізушілері жасаған құқық бұзушылықтар саны біршама артып отыр.
ШҚО Полиция департаментінің мәліметінше, кикшеринг қызметін пайдаланушылардың басым бөлігі жол қозғалысы ережелерін сақтамайды.
— Жыл басынан бері полиция қызметкерлері электр самокат пайдаланушылары тарапынан жол қозғалысы ережелерін бұзудың 90-нан астам фактісін анықтады. Салыстырар болсақ, 2025 жылдың осы кезеңінде мұндай 80 құқық бұзушылық тіркелген болатын. Ең жиі кездесетін заң бұзушылықтар қатарында жаяу жүргіншілер өткелінен самокаттан түспей өту, самокатпен жолаушы тасымалдау және жолдың жүріс бөлігінде қозғалу қағидаларын бұзу бар, — делінген ақпаратта.
Тәртіп сақшылары самокат жүргізушілеріне бақылау жүргізу үшін жедел-алдын алу іс-шараларын жүргізіп келеді. Әсіресе тұрғындар көп жиналатын орындарға, саябақтарға, скверлерге, жағалауларға және көпқабатты үйлердің аулаларына ерекше назар аударылған.