Өскемен орталығында шыққан ауқымды өрт сөндірілді

Бүгін түстен кейін әлеуметтік желіде қала көшелерін түтін басқаны жайлы видеолар тарай бастады. Белгілі болғандай, Абай даңғылындағы бірқабатты ғимараттың шатыры жанған.
Шығыс Қазақстан облысы Төтенше жағдайлар департаментінің мәліметінше, сол жерге өрт сөндірушілер жедел келіп жеткен.
— Ғимарат қызметкерлері дереу эвакуацияланды. Абырой болғанда, зардап шеккен ешкім жоқ. Өрт сөндірушілерге қою түтін кедергі келтіріп, тыныс алу мүмкін емес жерде жұмыс істеуге мәжбүр болды.
Оқиға орнында үздіксіз су беретін құбыр орнатылған. Қазіргі уақытта жалын ауыздықталды.
Алдын ала дерек бойынша өрттің жалпы ауданы 600 шаршы метрді құрайды.