Облыс орталығына Беларусь елінде шығарылған үш жаңа трамвай жеткізілді.
– Қазіргі уақытта іске қосу және реттеу жұмыстары жүргізілуде. Сонымен қатар вагон салондарына валидаторлар орнатылып жатыр, – деді «Өскемен көлік компаниясы» ЖШС басшысы Денис Федченко.
Әзірге трамвай паркі басшылығы жаңа вагондардың жолаушы тасымалдауға қашан шығатынын нақтылаған жоқ.
«БКМ Холдинг» компаниясы өндірген жаңа трамвайлар сары, күлгін және көгілдір түстермен безендірілген. Олар қаладағы қоғамдық көлік паркін жаңарту жұмыстары аясында пайдалануға берілмек.