Жол қозғалысы қауіпсіздігін арттыру және жаяу жүргіншілердің жолдан қауіпсіз өтуін қамтамасыз ету мақсатында қаланың бірқатар учаскесінде жаңа бағдаршамдар орнатылды.
— Бұған дейін аталған жерлерде тек реттелмейтін жаяу жүргіншілер өткелдері болған. Қауіпсіздік деңгейін арттыру мақсатында заманауи бағдаршамдар орнату туралы шешім қабылданды, — деп хабарлады Өскемен қаласы әкімдігінен.
Жаңа бағдаршамдар келесі мекенжайларда пайдалануға берілді:
— Қазақстан көшесі (мешіт маңында);
— Қабанбай батыр көшесі;
— Ахмер шағын ауданындағы Аязбаев көшесі (құрылыс материалдары дүкені маңында).
Айта кетейік, бағдаршамдар жаяу жүргіншілерге арналған батырмалармен жабдықталған. Жолдан өту үшін батырманы басу қажет. Осыдан кейін жаяу жүргіншілер үшін жасыл жарық сигналы жанып, жолдан қауіпсіз өтуге мүмкіндік беріледі.