Өскеменде автобуста былапыт сөз айтқан ер адамға айыппұл салынды

Осыған қатысты іс Өскемен қаласының мамандандырылған ауданаралық әкімшілік құқық бұзушылықтар жөніндегі сотында қаралды.
Оқиға 15 наурыз күні Нұрмағамбетов көшесімен жүріп келе жатқан қоғамдық көлікте болған.
— Автобуста А. есімді азамат М.-ға балағат сөздер айтқан. Әкімшілік құқық бұзушылық фактісі полиция инспекторларының рапорты мен түсініктемелері, бейнежазба, куәгерлердің айғақтары және іс материалдары арқылы толық дәлелденді, — деп хабарлады соттан.
Сот шешімімен ер адам кінәлі деп танылып, оған 60 550 теңге көлемінде айыппұл салынды. Қаулы әлі заңды күшіне енген жоқ.