Жақсылық Омарға қатысты сот ісі басталады

Шығыс Қазақстан облысы әкімінің бірінші орынбасары Жақсылық Омардың соты басталады.
Белгілі болғандай, бүгін Өскемен қаласының қылмыстық істер жөніндегі ауданаралық сотында Шығыс Қазақстан облысы әкімінің бірінші орынбасары Жақсылық Омарға қатысты сот процесі басталады. Бұл туралы сот кабинетіндегі құжатта жария етілді.
— Жақсылық Омарға ҚР Қылмыстық кодексінің 190-бабы 3-бөлігінің 1, 2-тармақтары (ірі мөлшердегі алаяқтық) және 366-бабы 3-бөлігінің 3-тармағы (ірі мөлшерде пара алу) бойынша қылмыстық құқық бұзушылық жасады деген айыптар тағылып отыр, — делінген құжатта.
Еске салсақ, осыған дейін ҚР Ұлттық қауіпсіздік комитетінің ШҚО әкімінің бірінші орынбасары Жақсылық Омарға қатысты тергеу жүргізіліп жатқаны жайлы хабарлаған.