Өскемен қаласындағы Шнайдер көпірінің тіректерін демонтаждау жұмыстары жүргізілуде. Сол жерде бірнеше арнайы техника жұмыс істеп жатыр.
Еске салсақ, 2025 жылдың 1 қыркүйегінде көпір опырылып түскен еді. Абырой болғанда, сол сәтте өткелде ешкім болмағандықтан, зардап шеккендер болған жоқ.
Алғашында көпірді жөндеу жоспарланған еді. Алайда кейінірек шенеуніктер бұл жұмысты экономикалық тұрғыдан тиімсіз деп танып, сол жерде жаңа көпір салу туралы шешім қабылдады.
Өскемен қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің мәліметінше, қазіргі уақытта қолданыстағы көпірді толық бұзып, оның орнына жаңа көпір салуды қарастыратын реконструкция жобасының сметалық құжаттамасы әзірленіп жатыр.
— Мемлекеттік сатып алу туралы жасалған келісімшарт аясында “Қазақ ПромТрансПроект” ЖШС жобалық-сметалық құжаттаманы әзірлеу жұмыстарын бастады, — деп хабарлады ведомство өкілдері.