Осыған байланысты сот ісі Шығыс Қазақстан облысының Тарбағатай аудандық сотында қаралды.
Белгілі болғандай, талапкер алаяқтардың сөзіне сеніп, «ҚазАтомПром» инвестициялық жобасына тіркеліп, 913 300 теңге аударған.
— Аталған дерек бойынша Қылмыстық Кодекстің 190-бабына (алаяқтық) сәйкес қылмыстық іс қозғалып, тергеу барысында 602 300 теңгенің М. есімді азаматтың атына ашылған банк шотына, ал 311 660 теңгенің О. есімді азаматтың банк шотына аударылғаны анықталған. Осы екі адам сотта жауапкер деп танылды. Алайда олар өздерінің де алаяқтардың құрбаны болғанын, яғни ұрланған қаражатты аудару үшін пайдаланылғанын мәлімдеген, — делінген сот үкімінде.
Соған қарамастан сот жауапкерлерді кінәлі деп танып, олардан ақшаны өндіріп алу туралы шешім шығарды. Үкім әлі заңды күшіне енген жоқ.