Ұлан ауданы прокуратурасының мәліметінше, ҚР Қылмыстық Кодексінің 139-бабы бойынша алимент төлеуден жалтарғаны үшін шартты түрде сотталған ер адам түзелу жолына түспеген.
— Жазасын өтеу кезеңінде ол белгіленген тәртіпті бірнеше рет бұзған, сот жүктеген міндеттерді қасақана орындамаған, кәмелетке толмаған баласын асырауға алимент төлеуден жалтаруын жалғастырған, — делінген ақпаратта.
Осыған байланысты сот шешімімен ауыл тұрғынына тағайындалған жазаның қалған бөлігі, яғни бір жыл төрт ай мерзімі бас бостандығынан айыруға ауыстырылды. Ер адам қамауға алынды.