Өңірге азынаған аяз келе жатыр. Алдағы күндері Қазақстан аумағына ығысқан антициклон республика бойынша ауа температурасының күрт төмендеуіне әкелмек.
— 15 қаңтардан бастап елдің шығысында түнгі уақытта ауа температурасы 30–38 градусқа дейін төмендейді. Ал 16–18 қаңтар аралығында аяз одан сайын күшейеді деп күтілуде. Сол күндері түнде сынап бағанасы −40 градусқа дейін түсуі мүмкін, ал күндіз 25–28 градус аяз болады, — деп хабарлады «Қазгидромет» РМК-дан.
Өскемен қаласында да қатты аяз күтіліп отыр. 15 қаңтардан бастап күндіз ауа температурасы 24–26 градус, түнде 33–35 градусқа дейін суытады.