Облыс орталығында 24 қараша күні жауған қалың қар әлі күреліп жатыр. Өскемен қаласының әкімі Алмат Ақышов қысқы кезеңде қар тазалау және жол қауіпсіздігін қамтамасыз ету мәселелеріне арналған жиналыс өткізді.
— Халық тарапынан көптеген сын айтылды және мен бұл мәселелер бойынша қоғам алдында жауапкершілікті өз мойныма алдым. Өз орынбасарларым мен жауапты бөлім басшыларын айтарым, ұйымдастыру жұмыстары өз деңгейінде орындалмады. Қыстағы негізгі жұмысымыз — қар тазалау. Жаздан қалған құрылыс жұмыстарының барлығын аяқтадық, — деді ол.
Ал «Таза Өскемен» КМК өкілдері қар тазалау кезінде жұмысшылардың қандай қиындықтарға тап келетінін түсіндірді.
Автожолдарды механикаландырылған тәсілмен жедел тазарту белгілі бір қолайсыздықтарды тудырады. Механикаландырылған әдіспен жүргізілетін жедел патрульдеу кей жағдайларда қолайсыздықтар туғызады. Атап айтқанда, қар үйінділері ауладан шығатын жолдарды, автобус аялдамаларын және жаяу жүргіншілер өткелдерін жабуға себеп болып отыр. Шеттегі тұрғын аудандардағы абаттандырылмаған тротуарлардың жай-күйіне қатысты да шағымдар бар.