Бұл туралы бүгін аймақ басшысы Ермек Көшербаев ШҚО мәслихатының кезекті он тоғызыншы сессиясы барысында мәлім етті.
— Биыл 600 шақырым жол жөнделді. Бұл рекордтық көрсеткіш. Осы оң тәжірибені және денсаулық сақтау саласы инфрақұрылымының қазіргі жағдайын ескере отырып, келесі жылы одан да баса назар аударылады, — деді облыс әкімі.
Келер жылы бұл салаға жұмсалатын қаржы көлемін ұлғайту жоспарланып отыр. Сондай-ақ 21 денсаулық сақтау нысанын күрделі жөндеуден өткізу, 126 медициналық құрал-жабдық пен 36 жедел жәрдем көлігін сатып алу көзделген.
Салаға бөлінген бюджет осы жылмен салыстырғанда 1,7 есе артып, 46 457,2 млн теңгені құрамақ. Жыл көлемінде 57 дәрігер Түркия, Германия, Ресей елдерінде білім алып, 66 дәрігер резидентурада оқытылады.